फागुण ५, २०८१ सोमबार February 17, 2025

हिमपातले नाग्म-गमगढी लोकमार्ग अवरुद्ध

घुच्ची देखि  वाँदखोलासम्म सडकमा झन्डै एक फिट भन्दा बढी हिउँ जमेर हिडडुल गर्ने सकस

शेयर गर्नुहोस:
फन्ट परिवर्तन गर्नुहोस:

मुगु, माघ ४ गते । हिमाली जिल्ला मुगुमा पहिलो पटक परेको भारी हिमपातले कर्णाली लोक मार्ग अन्तर्गत नाग्म–गमगढी सडक अवरुद्ध भएको छ । बिहीबार परेको भारी हिमपातले नाग्म–गमगढी सडक अन्तरगत घुच्चिलेगमा हिमपात हुँदा सडक अवरुद्ध भएको हो ।

सडक अवरुद्ध भएसँगै जनजीवन प्रभावित भएको छ । यातायात व्यवसायी  कमल रोकायाले घुच्चीलेकमा हिउँ जमेकोले मालवाहक र यात्रुवाहक दर्जनौँ गाडीहरू घुच्ची लेकमै अलपत्र परेको जानकारी दिनुभयो । उहाँका अनुसार घुच्ची देखि  वाँदखोलासम्म सडकमा झन्डै एक फिट भन्दा बढी हिउँ जमेको छ।

हिमपातले अलपत्र परेका यात्रु दिनेश बुढाका अनुसार  बुलबुले र घुच्ची लेकमा  बाक्लो हिउँ जमेकोले गमगढी पुग्न नसकेको बताउनुहुन्छ । जिल्ला प्रहरी कार्यालय मुगुका प्रमुख सरोज गिरीका अनुसार सडक डिभिजन कार्यालय जुम्ला सँग एक्स्काभेटर बाट जमेको  हिउँ पन्छाउनलाई समन्वय भएको छ  तर मौसम अझै सुधार नहुँदा गाह्रो परेको बताउनुभयो । उहाँले भन्नुभयो, ‘मौसम सुधार हुँदा साथ हिउँ पन्छाउने काम हुन्छ, व्यवसायी र यात्रुलाई धैर्यताका साथ सुरक्षित बस्न आग्रह गर्छु ।’हरिकृष्ण ऐडी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया