प्रहरी मुख्यालयका थप ९ जनामा कोरोना संक्रमण पुष्टी, देशभर २२१ जना प्रहरी संक्रमित

काठमाण्डाैंः नेपाल प्रहरी प्रधान कार्यालय नक्सालमा कार्यरत थप ९ जना प्रहरीमा कोरोना संक्रमण देखिएको छ। योसँगै  ४४ जना प्रहरीमा कोरोना पुष्टि भएको प्रहरी प्रवक्ता एसएसपी कुवेर कडायतले बताए।

गत आइत, सोम, मंगल र वुधबार गरिएको परीक्षणमा ३५ जनामा कोरोना संक्रमण देखिएको थियो। मुख्यालयमा कार्यरत सबै संक्रमितको बलम्बुस्थित एपीएफ अस्पतालमा उपचार भइरहेको प्रहरीले जनाएको छ।

नेपालभर कुर २ सय २१ जना प्रहरीमा कोरोना देखिएको कडायतले बताए । त्यस मध्ये १ सय जना संक्रमितहरु निको भएर साधारण डिउटीमा फर्किएको समेत प्रवक्ता एसएसपी कुवेर कडायतले बताएका छन् ।