श्रावण ६, २०८२ मंगलबार
July 22, 2025
युग खबर
२०७७ श्रावण १७, शनिबार
काठमाडौंः भ्रष्टाचारविरोधी भनेर चिनिएका श्रम तथा रोजगार कार्यालय विराटनगरका प्रमुख (उपसचिव) प्रेमप्रसाद सञ्जेल कुटिएका छन् । उनलाई कार्यलयकै सहयोगी महिलाले कार्यकक्षमै कुटपिट गरेका हुन्।
उनीलाई दुईजना कार्यालय सहयोगी नेत्रा भट्टराई र मेनुका सापकोटा कोइरालाले कुटेको जिल्ला प्रहरी कार्यालय मोरङले जनाएको छ । जिल्ला प्रहरी कार्यालय मोरङका प्रहरी उपरीक्षक सन्तोष खड्काले कुटपिटमा संलग्न भएको आराेपमा दुवैजनालाई नियन्त्रणमा लिएको बताए ।
सञ्जेल शनिबार बिहान करिब साँढे ११ बजे कार्यकक्षमै कुटिएको र अनुहारमा चोट लागेको प्रहरीले जनाएको छ । कार्यालय सहयोगीले ड्युटी गर्न नमानेको र ड्युटी त गर्नुपर्छ भन्दा आफूलाई दुईजना कर्मचारीले कुटपिट गरेको सञ्जेलले प्रहरी बयानमा भनेको प्रहरी उपरीक्षक खड्काले बताए।
कुटपिट गरेको आराेप लागेका कर्मचारीहरूले भने सञ्जेलले बढी काममा लगाउने गरेको र अनावश्यक गालीगलौज पनि गर्ने गरेको बताएका छन् ।
भट्टराई र सापकोटाले चप्पल, पञ्चिङ मेसिन लगायतले सञ्जेललाई कुटपिट गरेको खुलेको प्रहरीले जनाएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया