काठमाण्डाैंमा सवारी पास सम्बन्धमा नयाँ व्यवस्था लागु- आज निवेदन, भोलि पास

काठमाण्डौंः  काठमाण्डौँ जिल्ला प्रशासन कार्यालयले कार्यालय परिसरमा मानिसको अत्यधिक भिड हुन थालेपछी सवारी पास सम्बन्धमा नयाँ व्यवस्था लागु गरेको छ ।

सार्वजनिक निकायका व्यक्तिहरूमा समेत कोरोना देखिन थालेकाले भिडभाड रोक्न र सामाजिक दूरी कायम गर्न उक्त व्यवस्था लागु गरिएको जनाएको हो ।

प्राप्त विवरणअनुसार बिहिबार आज मात्रै मुलुकभर ३६० जनामा कोरोना देखिएकोमा उपत्यकाका मात्रै ८७ जना रहेका छन् । अब अत्यावश्यक कामका लागि गाडीको पास चाहिएमा काठमाडौँ प्रशासनमा अघिल्लो दिन निवेदन दिएर जाने तथा त्यसको भोलिपल्ट मात्रै पास लिनका लागि आउनुपर्ने हुन्छ । निवेदन दिएर सोही दिन पास लिन कुर्दा मानिसको भीडभाड बढी हुने भएकाले त्यस्तो व्यवस्था गरिएको जनाइएको छ ।

यसरी अघिल्लो दिन सङ्कलन भएको निवेदनको आधारमा भोलिपल्ट बिहान ८ बजेबाट पास वितरण गरिने छ । त्यसका लागि गेटमै निवेदन दिने र सोही स्थानबाट पास लिने व्यवस्था मिलाइएको जिल्ला प्रशासन कार्यालय काठमाडौँले जारी गरेको विज्ञप्तिमा उल्लेख गरिएको छ ।