अध्यागमन विभागको आपतकालीन बाहेकका सबै सेवा बन्द

काठमाण्डाैः अध्यागमन विभागका एक कर्मचारीमा कोभिड–१९ (कोरोना भाइरस) पोजेटिभ देखिएपछि विभागको आपतकालीन बाहेकका सबै सेवा बन्द गरिएको छ ।

कोरोना पोजेटिभ देखिएका कर्मचारीलाई आइसोलेशनमा पठाइएको र उहाँसँग सम्पर्कमा रहेर काम गरेका कर्मचारीलाई पनि होम आइसोलशनमा राखिएको निर्देशक तिवारीले बताउनुभयो ।

विभागको केन्द्रीय कार्यालयको सेवा बन्द भए पनि त्रिभुवन अन्तराष्ट्रिय विमानस्थलस्थित अध्यागमन विभागको काम भने नियमित सञ्चालनमा रहेको छ । अध्यागमन कार्यालय, त्रिभुवन अन्तरराष्ट्रिय विमानस्थलका प्रमुख अध्यागमन अधिकृत गौलोचन सैँजुले विमानस्थलको अध्यागमन सेवा समान्वयरुपमा सञ्चालन भइरहेको जानकारी दिनुभयो ।