धरानबाट धनकुटा जाँदै गरेको बस दुर्घटना हुँदा १४ घाइते, ४ जनाको अवस्था गम्भीर

काठमाण्डौंः । धरानबाट धनकुटा जाँदै गरेको एक बस दुर्घटना हुँदा १४ जना घाइते भएका छन् भने ४ जनाको अवस्था गम्भीर रहेको छ ।

धरानबाट धनकुटा हुँदै भोजपुरतर्फ जाँदै गरेको को १ ख २१७७ नम्बरको बस धनकुटाको जिरोप्वइन्ट छेउमा दुर्घटना भएको जिल्ला प्रहरी कार्यालय धनकुटाले जनाएको छ ।

दुर्घटनामा परी घाइते भएकाहरूको उद्धार गरी जिल्ला अस्पताल पठाइएको छ भने गम्भीर घाइतेहरूलाई थप उपचारका लागि धरान पठाउने तयारी भएको प्रहरीले जनाएको छ ।

बस करिब साढे १० बजे तिर दुर्घटना भएको बताइएको छ । घटनाको थप विवरण आउन बाँकी रहेको छ ।