असार २१, २०८२ शनिबार
July 5, 2025
युग खबर
२०८२ जेठ १९, सोमबार
काठमाण्डौंः पञ्जाब किङ्सले ११ वर्षपछि इन्डियन प्रिमियर लिग (आईपीएल) को फाइनलमा स्थान बनाएको छ। आईपीएल २०२५ को दोस्रो क्वालिफायरमा मुम्बई इन्डियन्सलाई ५ विकेटले पराजित गर्दै पञ्जाबले उपाधि भिडन्तमा रॉयल च्यालेन्जर्स बेंगलुरुसँग प्रतिस्पर्धा गर्ने भएको हो।
अहमदाबादस्थित नरेन्द्र मोदी स्टेडियममा भएको खेलमा मुम्बईले पहिले ब्याटिङ गर्दै ६ विकेटको क्षतिमा २०३ रन बनाएको थियो। जवाफमा पञ्जाबले कप्तान श्रेयस अय्यरको अविजित ८७ रनको उत्कृष्ट प्रदर्शनमा १९ ओभरमै लक्ष्य पूरा गर्यो।
अय्यरले ४१ बलमा ८ चौका र ८ छक्का प्रहार गर्दै टोलीलाई जितसम्म पुर्याए। नेहल वढेराले २९ बलमा ४८ रनको योगदान दिए। यस जितसँगै पञ्जाब किङ्स २०१४ पछि पहिलोपटक फाइनलमा पुगेको हो।
फाइनल खेल जुन ३ मा नरेन्द्र मोदी स्टेडियममै हुनेछ, जहाँ पञ्जाब र बेंगलुरु दुवै टोली पहिलोपटक आईपीएल उपाधि जित्ने लक्ष्यमा मैदान उत्रनेछन्।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया