राज्य व्यवस्था तथा सुशासन समितिको बैठक आज बस्दै

काठमाडौं । संघीय संसद अन्तर्गतको राज्य व्यवस्था तथा सुशासन समितिको ७४औँ बैठक आज बिहान सिंहदरबारमा बस्दैछ। बैठक बिहान साढे ८ बजेका लागि बोलाइएको हो।

समितिको आजको बैठकमा प्रमुख कार्यसूचीको रूपमा “नेपाल नागरिकता ऐन, २०६३ लाई संशोधन गर्न बनेको विधेयक, २०८१” माथि सैद्धान्तिक छलफल गरिने छ।

नागरिकता सम्बन्धी कानुनमा देखिएको अस्पष्टता र समयानुकूल सुधार आवश्यकताका विषयमा समिति सदस्यहरूबीच विस्तृत छलफल हुने अपेक्षा गरिएको छ।