प्रधानमन्त्रीको अध्यक्षतामा शासकीय सुधार आयोगको पहिलो बैठक सम्पन्न

काठमाडौं, असार ४ गते । सिंहदरबारस्थित प्रधानमन्त्री तथा मन्त्रीपरिषद्को कार्यालयमा आज अपरान्ह प्रधानमन्त्री केपी शर्मा ओलीको अध्यक्षतामा उच्चस्तरीय शासकीय सुधार आयोगको पहिलो बैठक सम्पन्न भएको छ।

बैठकमा उपप्रधानमन्त्री तथा अर्थमन्त्री विष्णुप्रसाद पौडेल, गृहमन्त्री रमेश लेखक, कानुन, न्याय तथा संसदीय मामिला मन्त्री अजयकुमार चौरसिया, प्रधानमन्त्री कार्यालयका प्रशासन सचिव गोविन्द बहादुर कार्की लगायत ५/६ जना सरोकारवाला उच्चपदस्थ व्यक्तिहरूको उपस्थिति रहेको थियो।

शासकीय सुधार आयोगले सार्वजनिक प्रशासन, नीतिगत समन्वय, सेवा प्रवाहको प्रभावकारिता र नीति कार्यान्वयनको अनुगमनजस्ता विषयमा सुधारका खाका तयार गर्ने उद्देश्य राखेको छ। आजको बैठकमा आयोगको कार्ययोजना, संरचना र प्राथमिकताका विषयमा छलफल भएको स्रोतले जनाएको छ।

बैठकमा आयोगले आगामी दिनमा विभिन्न मन्त्रालय, निकाय तथा स्थानीय तहसँग समन्वय गरेर शासकीय सुधारका कार्यक्रमलाई तीव्रता दिने प्रतिबद्धता जनाइएको थियो।