असार २२, २०८२ आइतबार
July 6, 2025
युग खबर
२०८२ असार ११, बुधबार
वीरगन्ज । समाजवादी प्रेस संगठनको मधेस प्रदेश अध्यक्षमा वीरगञ्जका पत्रकार मनोज पटेल चयन भएका छन् । महोत्तरीको बर्दिवासमा बुधबार सम्पन्न संगठनको विस्तारित बैठकले अध्यक्षमा पटेललाई चयन गरेको हो ।
पटेल, वीरगञ्जबाट प्रशारण भइरहेको रेडियो सिमाञ्चल, नेपालपोष्ट डेली अनलाइन र नेपालपोष्ट डेली पत्रिकाका सञ्चालक हुन् ।
यस्तै, बैठकले समाजवादी प्रेस संगठनको मधेस प्रदेशको उपाध्यक्षमा बाराकी पत्रकार शारदा पोखरेल, सचिवमा सप्तरीका पत्रकार प्रमोद चालिसे, सहसचिवमा महोत्तरीका पत्रकार ममता विश्वकर्मा र कोषाध्यक्षमा सिरहाका पत्रकार रामपुकार यादवलाई चयन गरेको संगठनका मधेस प्रदेश इन्चार्ज बृजलाल पासवानले जानकारी दिए ।
पासवानकै अध्यक्षता तथा संगठनका केन्द्रिय अध्यक्ष शम्भु श्रेष्ठको प्रमुख आतिथ्यताममा बसेको बैठकमा संगठनका केन्द्रिय बरिष्ठ उपाध्यक्ष नवराज छत्कुली, महासचिव रोहित दाहाल, कोषाध्यक्ष भरतराज पोखरेल, सचिवालय सदस्य रेबेन्द्र कार्की, नेकपा एकिकृत समाजवादीका केन्द्रिय सदस्य मनोज चौधरीलगायत सहभागी थिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया