श्रावण १, २०८२ बिहिबार
July 17, 2025
युग खबर
२०७७ भाद्र ९, मंगलबार
काठमाण्डौंः सत्तारुढ नेपाल कम्युनिष्ट पार्टी (नेकपा) विवाद समाधानका लागि गठित कार्यदलले बुझाएको प्रतिवेदनमाथि नेकपा अध्यक्षद्वयबीच छलफल सुरु भएको छ ।
प्रधानमन्त्रीको सरकारी निवास बालुवाटारमा मंगलबार बिहान पौने दशबजेदेखी अध्यक्षद्वय केपी शर्मा ओली र पुष्पकमल दाहालबीच छलफल शुरु भएको हो ।
गत शनिबार महासचिव एव कार्यदलका संयोजक विष्णु पौडेल नेतृत्वको ६ सदस्यीय कार्यदलले पार्टीका तत्कालीन विवादहरुको समाधानको उपाय सुझाइएको प्रतिवेदन बुझाएको थियो ।
कार्यदलले बुझाएको प्रतिवेदनले दुवै पद नछाड्ने ओलीको चासो सम्बोधन गरेको छ भने कार्यकारी अध्यक्षको भूमिका खोजेका दाहाललाई पनि त्यसै अनुसार भूमिका दिन सुझाएको देखिन्छ ।
विधि र पद्धतिमा पार्टी चलाउने सुझावले बरिष्ट नेता माधव कुमार नेपालको मुद्दा पनि सम्बोधन गर्न खोजेको छ । प्रतिवेदनमाथि दुई अध्यक्षले छलफल गरेपछि आवश्यकता अनुसार थप घट गरेर सचिवालयमा लैजाने अध्यक्षद्वयको तयारी छ ।
सचिवालयमा आवश्यक परिमार्जनपछि प्रतिवेदनलाई एउटा प्रस्तावका रुपमा स्थायी कमिटीमा लैजाने र अनुमोदन गराउने तयारी रहेको बालुवाटार श्रोतको दावी छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया