श्रावण ५, २०८२ सोमबार
July 21, 2025
युग खबर
२०८२ श्रावण ५, सोमबार
काठमाडौं । नेपाल लेयर्स कुखुरा पालक संघले अण्डाको मूल्य प्रतिक्रेट ३० रुपैयाँले बढाएको छ । संघले साउन ६ गतेदेखि लागु हुनेगरी प्रतिक्रेट ३० रुपैयाँ बढाएर ठूलो अण्डाको मूल्य बढाएर ५२५ रुपैयाँ पुर्याएको हो ।
यसअघि गत असार २० गते ठूलो अण्डाको मूल्य प्रतिक्रेट ४९५ रुपैयाँ पुर्याएको थियो ।
त्यस्तै, मिडियम अण्डाको मूल्य पनि संघले प्रतिक्रेट ३० रुपैयाँ बढाएर प्रतिक्रेट ४९५ रुपैयाँ पुर्याइएको छ । यसअघि मिडियम अण्डाको मूल्य ४६५ रुपैयाँ रहेको संघका महासचिव मदन पोखरेलले जानकारी दिए ।
त्यसैगरी चितवनबाट लोड भई देशैभरीको अण्डा बिक्री डिपोमा पुर्याउँदा लाग्ने भाडा, कार्टुन र क्रेटसहित प्रतिपेटी १३० रुपैयाँ थप लाग्नेछ । यो सबै खर्च समायोजन गरी बजारमा पाउँदै आएको अण्डाको मूल्य निर्धारण हुनेछ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया