डोटीमा एक साताका लागि निषेधाज्ञा – अत्यावश्यक बाहेक सबै सवारीसाधनलाई पूर्ण रुपमा प्रतिबन्द

काठमाण्डाैंः जिल्ला प्रशासन कार्यालय डोटीले जिल्लामा निषेधाज्ञा जारी गरेको छ ।

जिल्लामा कोरोना संक्रमित बढ्दै गएपछि सम्भावित जोखिम न्यूनीकरणका लागि डोटीमा गएराति १२ बजेदेखि एक साताका लागि निषेधाज्ञा लागु गरिएको जिल्ला प्रशासन कार्यालय डोटीले जनाएको छ ।

हिजो बसेको जिल्ला सङ्कट व्यवस्थापन समितिको बैठकले गएराति १२ बजेदेखि लागु हुने गरी एक साताका लागि जिल्लाभर निषेधाज्ञा जारी गर्ने निर्णय गरेको र सोही अनुरुप निषेधाज्ञा जारी भएको डोटीका प्रमुख जिल्ला अधिकारी भीमप्रसाद भट्टराईले बताए ।

निषेधाज्ञा अवधिभर अत्यावश्यक बाहेक सबै सवारीसाधनलाई पूर्ण रुपमा बन्द गरिएको छ ।-रासस