नेपालमा कोरोनाबाट मुक्त भई घर फर्किनेको संख्या २१ हजार ४१० पुग्यो

काठमाण्डौः पछिल्लो २४ घन्टामा नेपालमा थप ८९९ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता प्राडा. जागेश्वर गौतमले देशभरका बिभिन्न प्रयोगशालामा ११ हजार १२९ जनाको पीसीआर परिक्षण गर्दा परीक्षण गर्दा देशभर ८९९ जनामा कोरोना संक्रमण पुष्टि भएको जानकारि दिए ।

यो सँगै कुल संक्रमितको संख्या ३९ हजार ४६० पुगेको छ । सक्रिय संक्रमितको संख्या १७ हजार ८२२ रहेको प्रवक्ता गौतमले जानकारि दिए । नेपालमा कोरोना संक्रमणबाट मुक्त भइ घर फर्किनेको संख्या २१ हजार ४१० पुगेको छ । यो संख्या कुल संक्रमितको ५४ प्रतिशत हो ।