सुन्धारा कारागारमा चार कैदीको उपचारको क्रममा ज्यान गयो, एक जनामा कोरोना पुष्टि

काठमाण्डौंः केन्द्रीय कारागार सुन्धारामा चार कैदीको मृत्यु भएको छ । हिजो राती १ र आज बिहान तीन जना कैदीको मृत्यु भएको हो । मृतकमध्ये एक जनामा कोरोना संक्रमण पुष्टि भएको छ ।

संक्रमण पुष्टि हुनेमा कञ्चनपुरको भीमदत्त नगरपालिका–६ का ४२ वर्षीय पुरुषको रहेका छन् । उनलाई स्वास्थ्यमा समस्या देखिएपछि मेगा अस्पताल भर्ना गरिएको थियो । मृतक पुरुषमा १४ गते कोरोना पुष्टि भएको थियो । अन्य मृतकहरु ५८, ६० र ६४ वर्षीय पुरुष रहेका छन् ।

उनीहरुको वीर अस्पतालमा उपचारका क्रममा मृत्यु भएको कारागार प्रमुख लक्ष्मीप्रसाद बाँस्कोटाले जानकारि दिए । अहिलेसम्म केन्द्रीय कारागारमा रहेका ५२ जनालाई कोरोना संक्रमण पुष्टि भएको छ ।