कोरोना कहरः आज एकैदिन ११ को ज्यान गयो – मृत्यु हुनेको संख्या २ सय ३९ पुग्यो

काठमाण्डौंः विश्व महामारी कोभिड-१९ संक्रमणबाट पछिल्लो २४ घण्टामा नेपालमा थप ११ जनाको मृत्यु भएको छ । स्वास्थ्य तथा जनसंख्या मन्त्रालयको नियमित मिडिया ब्रिफिङमा स्वास्थय मन्त्रालयका प्रवक्ता प्रा डा. जागेश्वर गौतमले ४ बर्षिया बालिका सहित ११ जनाको मृत्यु भएको जानकारि दिए ।

मृत्यु हुनेहरुमा महोत्तरीका ३७ बर्षिय, सिराहाका ६५ बर्षिय पर्सा ५३,८०, ६० बर्षिय ३ जना, बाराका ६० बर्षिय, चितवनका ५२ बर्षिय, काठमाडौंका ७० र ३५ बर्षिय २ जना र मकवानपुरका ५८ बर्षिय पुरुषको कोरोना संक्रमणबाट मृत्यु भएको हो ।

यो संगै नेपालमा कोरोना संक्रमणबाट मृत्यु हुनेको संख्या २ सय ३९ पुगेको छ । यो संख्या संक्रमितको ० दशमलव ५९ प्रतिशत हो । पछिल्लो समय कोरोना संक्रमणबाट मृत्यु हुनेको दर बढ्दो क्रममा रहेको प्रवक्ता गौतमले बताए ।

देशभर आज १ हजार ६९ जनामा कोरोना संक्रमण पुष्टि भएको छ । बिभिन्न प्रयोगशालामा १२ हजार ८८ जनाको पीसीआर परिक्षण गर्दा परीक्षण गर्दा देशभर १ हजार ६९ जनामा कोरोना संक्रमण पुष्टि भएको गौतमले जानकारि दिए ।

यो सँगै नेपालमा कुल संक्रमितको संख्या ४० हजार ५२९ पुगेको छ । आज सक्रिय संक्रमितको संख्या १८ हजार ११२ रहेको प्रवक्ता गौतमले जानकारि दिए ।

यस्तै थप ७६८ जना कोरोना संक्रमितहरु डिस्चार्ज भएका छन् । नेपालमा कोरोना संक्रमणबाट मुक्त भइ घर फर्किनेको संख्या २२ हजार १७८ पुगेको छ । यो संख्या कुल संक्रमितको ५५ प्रतिशत हो । आज देशभर ७ हजार ३९० जना क्वारेन्टाइनमा रहेका छन् ।