झलनाथ खनालको प्रतिष्ठानलाई १ अर्ब ३२ करोड अनुदान दिदैं सरकार

काठमाण्डौंः सत्तारुढ नेपाल कम्युनिष्ट पार्टी (नेकपा)का बरिष्ठ नेता झलनाथ खनाललाइ सरकारले १ अर्ब ३२ करोड रुपैयाँ अनुदान दिने भएको छ । खनालका नाममा खुलेको ‘झलनाथ खनाल स्वास्थ्य विज्ञान प्रतिष्ठान’लाई सरकारले सो रकम अनुदान स्वरुप दिने भएको हो ।

सर्लाहीको लालबन्दीमा साँढे आठ विघाह जमिनमा विषालु सर्प पाल्नका लागि भन्दै नेपाल सरकारले खनालका नाममा स्थापना गरिएको प्रतिष्ठानलाई उक्त रकम दिएको हो ।

झलनाथ खनाल स्वास्थ्य विज्ञान प्रतिष्ठानले सर्प पालन र एन्टी भेनम उत्पादन परियोजनाका लागि लालबन्दी नगरपालिका, प्रदेश २ सरकार र संघीय सरकारले १ अर्ब ३२ करोड रुपैयाँ दिने निर्णय गरेका हुन् । सरकारले ७२ करोड रुपैयाँ पहिलो किस्तामा प्रतिष्ठानलाई दिने छ भने बाँकी रकम दोस्रो किस्तामा दिने श्रोतले बतायो ।

प्रतिष्ठानका नाममा अनुदान दिए पनि झलनाथको प्रभावका कारण सरकारले यति ठूलो रकम दिने निर्णय गरेको नेकपाका एक नेताले गुनासो गरे । नेकपा भित्र विावद चलिरहेका बेला खनालका नाममा खुलेको प्रष्ठिानलाई यो रकम दिनुलाइ अर्थपूर्ण र विशेष महत्वका साथ हेरिएको छ ।