काठमाण्डौं उपत्यकामा एकैदिन ४०८ जनामा कोरोना संक्रमण पुष्टि

काठमाडौंः काठमाडौं उपत्यकामा एकैदिन ४सय ८ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मनत्रालयका प्रवक्ता प्रा.डा. जागेश्वर गौतमले काठमाण्डौंमा ३२६, भक्तपुरमा ४५ र ललितपुरमा ३७ गरि ४०८ जनामा संक्रमण पुष्टि भएको जानकारि दिए । देशभरि आज नेपालमा थप १ हजार ४१ जनामा कोरोना संक्रमण पुष्टि भएको छ ।

बिभिन्न प्रयोगशालामा १२ हजार ४७३ जनामा पीसीआर परिक्षण गर्दा १ हजार ४१ जनामा कोरोना संक्रमण पुष्टि भएको जानकारि दिए । यो सँगै नेपालमा कुल संक्रमितको संख्या ४५ हजार २७७ पुगेको छ । आज सक्रिय संक्रमितको संख्या १७ हजार ८७० रहेको प्रवक्ता गौतमले जानकारि दिए ।

यस्तै थप १ हजार ५ सय ६६ जना कोरोना संक्रमितहरु डिस्चार्ज भएका छन् । नेपालमा कोरोना संक्रमणबाट मुक्त भइ घर फर्किनेको संख्या २७ हजार १२७ पुगेको छ । यो संख्या कुल संक्रमितको ६० प्रतिशत हो । आज देशभर ६ हजार ५६१ जना क्वारेन्टाइनमा रहेका छन् ।