उपत्यकामा निषेधाज्ञा हटाउने बिषयमा सिडिओहरुको बैठक बिना निष्कर्ष टुंङ्गियो

काठमाडौंः विश्व महामारी कोरोना भाईरस संक्रमण रोकथाम तथा नियन्त्रणका लागि काठमाण्डौं उपत्यकामा जारी निषेधाज्ञाका बारेमा निर्णय गर्न बसेको बैठक निष्कर्ष बिहीन भएको छ ।

जारी निषेधाज्ञा लम्ब्याउने वा हटाउने भन्ने बिषयामा उपत्यकाका तीनवटै जिल्लाका प्रमुख जिल्ला अधिकारी (सिडियोहरु) बीच मत बाझिदा मंगलबार कुनै पनि निर्णय हुन नसकको हो । निषेधाज्ञा पूर्ण रुपमा नटाइए पनि केही सहज बनाउने गरी अघि बढ्ने काठमाडौंका प्रमुख जिल्ला अधिकारी जनकराज दाहालले युगखबर अनलाईनलाई जानकारी दिए ।

पूर्ण रुपमा निषेधाज्ञा नहटाउने तर नागरिकको जनजीविका सहज हुनेगरि निर्णय हुने उनको भनाई छ । निषेधाज्ञाको मोडालिटीमा केही छलफल भएपनि सम्बन्धित निकाय र व्यक्तिसँग छलफल नभएका कारण मंगलबार निर्णय हुन नसकेको जिल्ला प्रशासन कार्यालयका प्रशासकीय अधिकृत कमल प्रसाद पाण्डेले जानकारी दिए ।

यसबारेमा बुधबार छलफल हुने उनले बताए । काठमाडौं उपत्यकामा जारी निषेधाज्ञा २४ गते राती सकिदैछ ।