नेपालमा कुल कोरोना संक्रमितको संख्या ४९ हजार २१९ पुग्यो – आजैमात्र १ हजार ८१ जना थपिए

काठमाडौंः नेपालमा थप १ हजार ८१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता प्रा डा जागेश्वर गौतमले देशभरका बिभिन्न प्रयोगशालामा ११ हजार १६७ जनामा पीसीआर परिक्षण गर्दा १ हजार ८१ जनामा कोरोना संक्रमण पुष्टि भएको जानकारि दिए ।

यो सँगै नेपालमा कुल संक्रमितको संख्या ४९ हजार २१९ पुगेको छ । आज सक्रिय संक्रमितको संख्या १५ हजार २५ रहेको प्रवक्ता गौतमले जानकारि दिए ।

यस्तै थप ९१८ जना कोरोना संक्रमितहरु डिस्चार्ज भएका छन् । नेपालमा कोरोना संक्रमणबाट मुक्त भइ घर फर्किनेको संख्या ३३ हजार ८८२ पुगेको छ । यो संख्या कुल संक्रमितको ६८ दशमलव ८ प्रतिशत हो । आज देशभर ५ हजार ४८० जना क्वारेन्टाइनमा छन् ।