सुर्य भगवानको दर्शन गर्दै थाहा पाउनुहोस् तपाँइको राशिफल

मेष : अचानक धन खर्च हुनसक्छ । खर्च कटौती गर्नुपर्ने दिन छ । थोरै बोलेर अगाडि बढ्नु राम्रो हुनेछ । संकटमा साथीभाइको साथ मिल्नेछ । लगानी गरेको भए फाइदा हुनेछ । राजनीतिक क्षेत्रमा सेवाको अवसर मिल्नेछ ।

वृष : दिन सामान्य छ । दाजुभाइसँग सल्लाह लिएर अगाडि बढेको खण्डमा दिन सहज बन्नेछ । तपाईंले बोलेको शब्दको अर्थ उल्टो लाग्ने जोखिम छ । कृषि र फलफूलको क्षेत्रमा गरेको प्रयास सफल बन्नेछ ।

मिथुन : दिन राम्रो छ । साथीभाइले सहयोग गर्नेछन् । राम्रो काम गरेको भए चौतर्फी साथ मिल्नेछ । राजनीतिक क्षेत्रमा भने आरोपको सामना गर्नुपर्ने भएकाले सचेत बन्नु राम्रो हुनेछ । परिवारको साथ र सहयोग मिल्नेछ । प्रेम सम्बन्ध सुमधुर बन्नेछ।

कर्कट : सञ्चित धन खर्च हुनेछ । खर्चको उपयोग गर्नुपर्ने समय छ । विदेशको रमझमले मन तान्ने छ । लगानी गरेको भए फाइदा हुनेछ । परिवारमा सुख र शान्ति रहने दिन छ । प्रेम सम्बन्ध सुमधुर बन्नेछ ।

सिंह : दिन राम्रो छ । उपचारकोक्रममा भए सफलता मिल्नेछ । शिक्षामा गरेको लगानीबाट उन्नति हुनेछ । राज्यको तर्फबाट भय हुनेछ । परिवारले साथ दिनेछन् । साथीको सहयोगमा दिन राम्रो बन्नेछ ।

कन्या : दिन राम्रो छ । पशुपन्छी र फलफूलको व्यापारमा फाइदा हुनेछ । साथीसँगको भेटले मन शान्त बन्नेछ । साथीभाइले राम्रो साथ दिएको मौकामा महत्त्वपूर्ण काम गर्नु राम्रो हुनेछ । परिवार भित्र सहज वातावरण बन्नेछ ।

तुला : परिवारको सल्लाह लिएर अगाडि बढ्नुभयो भने दिन सहज बन्नेछ । परोपकारमा अग्रसर हुनेक्रममा परिवारलाई समय दिन नसक्दा खटपटी हुनेछ । निजी शिक्षामा गरेको लगानीबाट फाइदा हुनेछ ।

वृश्चिक : दिन सहज छ । आफूभन्दा ठुलासँगको संगतले तपाईंको काम सार्थक बन्नेछ । साना कुरामा नअल्झिनु राम्रो हुनेछ । स्वदेशमा रोजगारीका विकल्प सिर्जना हुनेछन् । परिवारसँगको सम्बन्ध सुमधुर बन्नेछ ।

धनु : दिन राम्रो छ । सोचेर बोल्नु राम्रो हुनेछ । राज्यका उच्च पदसम्म पहुँच विस्तार हुनेछ । साथीभाइको सहयोगले काम सहजै बन्नेछ । साना कुरामा अल्झिएमा खटपटी बढ्नेछ । दान गरेर दिनको सुरुवात गरेमा मन शान्त बन्नेछ ।

मकर : दिन सामान्य छ । अनुत्पादक क्षेत्रको खर्च कटौती गर्नु राम्रो हुनेछ । परिवारको सल्लाहमा गरेको काम सफल बन्नेछ । शिक्षाको क्षेत्रमा ढिलासुस्ती बढ्नेछ ।

कुम्भ : दिन राम्रो छ । मन खुशी हुनेछ । शिक्षाको क्षेत्रमा गरेको प्रयासबाट सफलता मिल्नेछ । स्वास्थ्यमा सुधार हुनेछ । प्रेम सम्बन्ध सुमधुर बन्ने योग छ । व्यापारमा नाफा आर्जन गर्ने दिन छ ।

मीन : दिन सामान्य छ । बिहान उठेर धार्मिक कार्यमा सहभागी भए सोचेका काम सहजै बन्नेछ । खानपानमा ख्याल नगरेमा रोगले सताउने छ । बौद्धिक व्यक्तिसँग सल्लाह गरेर अगाडि बढेमा दिन सहज बन्नेछ ।