सुन चाँदीको मूल्य बढ्यो

काठमाडौं । स्थानीय बजारमा आज (बुधबार) फेरि सुन–चाँदीको मूल्य बढेको छ। नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला ९०० रुपैयाँले वृद्धि भई २ लाख ४८ हजार ८ सय रुपैयाँमा पुगेको छ।

मंगलबार सोही सुन प्रतितोला २ लाख ४७ हजार ९ सय रुपैयाँमा कारोबार भएको थियो। लगातारको वृद्धिसँगै केही दिनयता सुनको मूल्य उच्च स्तरमै स्थिर रहने संकेत देखिएको व्यवसायीहरूको भनाइ छ।

यस्तै, चाँदीको मूल्य पनि आज वृद्धि भएको छ। बुधबार चाँदी प्रतितोला २० रुपैयाँले बढेर ३ हजार २२० रुपैयाँमा पुगेको छ। मंगलबार चाँदी प्रतितोला ३ हजार २ सय रुपैयाँमा कारोबार भएको थियो।

महासंघका अनुसार अन्तर्राष्ट्रिय बजार मूल्य, अमेरिकी डलरको विनिमय दर र स्वर्ण कारोबारसँग सम्बन्धित विश्वव्यापी परिवर्तीत परिस्थितिले आजको मूल्यमा प्रभाव पारेको छ।