नेपालमा कोरोना संक्रमणबाट मृत्यु हुनेको संख्या ३२२ पुग्यो

काठमाण्डौंः नेपालमा कोरोना भाइरस संक्रमणबाट मृत्यु हुनेको संख्या ३२२ पुगेको छ । बुधबार थप ५ जनाको मृत्यु भएसंगै मृत्यु हुनेको संख्या ३२२ पुगेको हो । पछिल्लो २४ घण्टामा नेपालमा थप १ हजार ४सय ५४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता प्राडा. जागेश्वर गौतमले देशभरका बिभिन्न प्रयोगशालामा १० हजार ७०१ जनामा पीसीआर परिक्षण गर्दा १ हजार ४ सय ५४ जनामा कोरोना संक्रमण पुष्टि भएको जानकारि दिए ।

यो सँगै नेपालमा कुल संक्रमितको संख्या ५१ हजार ९१९ पुगेको छ । आज सक्रिय संक्रमितको संख्या १४ हजार ९२५ रहेको प्रवक्ता गौतमले जानकारि दिए ।

यस्तै थप ९७२ जना कोरोना संक्रमितहरु डिस्चार्ज भएका छन् । नेपालमा कोरोना संक्रमणबाट मुक्त भइ घर फर्किनेको संख्या ३६ हजार ६७२ पुगेको छ । यो संख्या कुल संक्रमितको ७१ प्रतिशत हो ।