विदेशमा अलपत्र सबै नेपालीको उद्धार एक महिना भित्रः श्रममन्त्री यादव

काठमाडौंः श्रम, रोजगार तथा सामाजिक सुरक्षा मन्त्री रामेश्वर राय यादवले विदेशमा अलपत्र परेका सबै नेपाली नागरिकलाई एक महिनाभित्र उद्धार गरिसक्ने बताएका छन् ।

आइतबार प्रतिनिधि सभाको उद्योग तथा वाणिज्य र श्रम तथा उपभोक्ता हित समितिको बैठकमा मन्त्री यादवले विदेशमा अलपत्र सबै नेपालीलाई एक महिनाभित्र स्वदेश ल्याउने गरी काम अगाडि बढाइएको र त्यसका लागि उडान सङ्ख्या थप्ने गरी व्यवस्थापन गरिएको बताएका छन् ।

मन्त्री यादवले कम्पनी बन्द हुन लागेका र कम्पनीले नै टिकट दिएका श्रमीकहरु र रोजगारी गुमाएर बेखर्ची भइ बसेकालाई पहिलो प्राथमिकतामा ल्याउने व्यवस्था मिलाइएको मन्त्री यादवले बताए ।

सुरुमा सुरुमा दैनिक पाँच सय नेपालीलाई ल्याउने भनिएकोमा पछि माग बढेपछि आठ सय जनालाई ल्याउने व्यवस्था गरिएको थियो । त्यो सङ्ख्या पनि कम भएपछि पछिल्लो समय त्यस्तो सीमा हटाएर सकेसम्म धेरै नेपालीलाई ल्याउने गरी व्यवस्था मिलाइएको उनले बताए ।

सोही अनुसार भदौ २६ गते ८३६ जना, भदौ २७ गते ८८० जना र भदौ २८ गते ८९० जना नेपालीको उद्धार गरी नेपाल ल्याइएको पनि मन्त्री यादवले जानकारि दिए ।