अन्तर्राष्ट्रिय सीमा नाका असोजभर बन्द रहने

काठमाण्डाैंः सरकारले कोरोना भाइरस संक्रमणका कारण सरकारले बन्द गरेको अन्तराष्ट्रिय सिसमा नाका असोजभर बन्द रहने भएका छन् ।

सोमबार बसेको मन्त्रीपरिषद् बैठकले भारतमा कोरोना भाइरसको फैलँदो संक्रमणलाई देखेर सीमानाका असोजभर बन्द नै राख्‍ने निर्णय लिएको हो । सरकारले नेपालीको आवातजावतका लागि यसअघि नै देशका मुख्य २० वटा नाका निर्धानरण गरिसकेको छ ।

भारतमा पछिल्लो समय दैनिक ८० देखि ९० हजारको दरमा कोरोना संक्रमित भेटिन थालेको अवस्थामा सीमानाका बन्द नै राख्‍ने निर्णय सरकारले लिएको हो । यस्तै सरकारले आन्तरिक उडान तथा लामो, छोटो र मध्यम दूरीका सावैजनिक यातायातका साधनहरु खोल्न दिने निर्णय गरेको छ ।