नेपालमा कोरोना संक्रमणबाट मृत्यु हुनेको संख्या ४०१ पुग्यो, एकैदिन १ हजार २०४ जना संक्रमित थपिए

काठमाण्डौंः नेपालमा कोरोना संक्रमणबाट मृत्यु हुनेको संख्या ४ सय नाघेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ११ जनाको मृत्यु भएसंगै मृतकको संख्या ४०१ पुगेको छ । नेपालमा थप १ हजार २०४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता प्रा डा. जागेश्वर गौतमले देशभरका बिभिन्न प्रयोगशालामा १० हजार ३३३ जनामा पीसीआर परिक्षण गर्दा १ हजार २०४ जनामा कोरोना संक्रमण पुष्टि भएको जानकारि दिए ।

यो सँगै नेपालमा कुल संक्रमितको संख्या ६२ हजार ७९७ पुगेको छ । आज सक्रिय संक्रमितको संख्या १७ हजार १२९ रहेको प्रवक्ता गौतमले जानकारि दिए ।

यस्तै थप १ हजार ४ सय ४७ जना कोरोना संक्रमितहरु डिस्चार्ज भएका छन् । नेपालमा कोरोना संक्रमणबाट मुक्त भइ घर फर्किनेको संख्या ४५ हजार २६७ पुगेको छ । यो संख्या कुल संक्रमितको ७२ प्रतिशत हो । आज देशभर ७७३५ जना क्वारेन्टाइनमा रहेको प्रवक्ता गौतमले बताए ।