नेपालमा कुल संक्रमितको संख्या ६२ हजार ७९७ पुग्यो- एकैदिन १७ हजार ४७८ जना संक्रमित थपिए

काठमाडौंः नेपालमा पछिल्लो २४ घण्टामा कोरोना भाइरस संक्रमणबाट थप १० जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १० जनाको मृत्यु भएसंगै मृतकको संख्या ४ सय ११ पुगेको छ । यस्तै नेपालमा थप १ हजार ३२५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता प्रा डा जागेश्वर गौतमले देशभरका बिभिन्न प्रयोगशालामा ९ हजार ५ सय ८४ जनामा पीसीआर परिक्षण गर्दा १ हजार ३२५ जनामा कोरोना संक्रमण पुष्टि भएको जानकारि दिए ।

यो सँगै नेपालमा कुल संक्रमितको संख्या ६२ हजार ७९७ पुगेको छ । आज सक्रिय संक्रमितको संख्या १७ हजार ४७८ रहेको प्रवक्ता गौतमले जानकारि दिए ।

यस्तै थप ९६६ जना कोरोना संक्रमितहरु डिस्चार्ज भएका छन् । नेपालमा कोरोना संक्रमणबाट मुक्त भइ घर फर्किनेको संख्या ४६ हजार २३३ पुगेको छ । यो संख्या कुल संक्रमितको ७२ प्रतिशत हो । आज देशभर ७४५१ जना क्वारेन्टाइनमा रहेको प्रवक्ता गौतमले बताए ।