संघिय सरकार बिरुद्ध प्रदेश २ सरकार रुष्ट हुँदै गृहमन्त्रालयलाई दियो यस्तो चेतावनी (पत्रसहित)

काठमाण्डौंः प्रदेश २ सरकारले संघीय सरकार विरुद्ध मुद्दा हाल्ने चेतावनी दिएको छ ।

लामो समयदेखि अल्झिएको प्रहरी समायोजनको काम एक साताभित्र टुंग्याउन प्रदेशले संघिय सरकार बिरुद्ध मुद्धा हाल्ने चेतावनी सहित गृह मन्त्रालयलाई ध्यानाकर्षण पत्र लेखेको छ ।

प्रहरीको खटनपटन, कार्यसम्पादन, समन्वय र सुपरिवेक्षणको जिम्मेवारी लगायत प्रदेश सरकारलाई तोकिएको प्रहरी समायोजनको काम अझै नटुंगिएकोमा प्रदेश २ सरकार रुष्ट रहेको छ ।

समायोजन ऐनअनुसार प्रदेशमा खटिएका प्रहरीको कार्य सम्पादन र खटनपटन गर्ने जिम्मेवारी प्रदेश सरकारलाई सुम्पिएको छ ।

प्रदेश २ सरकारले प्रदेश प्रहरी विधेयक अरू प्रदेशभन्दा पहिला पारित गरेपनि प्रहरी समायोजन ऐनलाई कुर्दै आफ्नो प्रहरी भर्ना थालेको छैन । राष्ट्रपति विद्यादेवी भण्डारीले २०७६ माघमै प्रहरी समायोजन विधेयक प्रमाणीकरण गरिसकेकी छन् ।