असार २९, २०८२ आइतबार
July 13, 2025
युग खबर
२०७७ असोज १५, बिहिबार
काठमाण्डौंः पछिल्लो २४ घण्टामा काठमाण्डौं उपत्यकामा ९४३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता प्रा.डा. जागेश्वर गौतमले काठमाण्डौैं जिल्लामा ८१७, भक्तपुरमा ५८ र ललितपुरमा ६८ जनामा कोरोनाभाइरस संक्रमण पुष्टि भएको जानकारि दिए ।
यो सहित पछिल्ले २४ घण्टामा नेपालमा थप १ हजार ९११ जनामा कोरोना संक्रमण पुष्टि भएको छ ।
प्रवक्ता गौतमले देशभरका बिभिन्न प्रयोगशालामा १२ हजार ४४४ जनामा पीसीआर परिक्षण गर्दा १ हजार ९११ जनामा कोरोना संक्रमण पुष्टि भएको जानकारि दिए ।
यो सँगै नेपालमा कुल संक्रमितको संख्या ७९ हजार ७२८ पुगेको छ । आज सक्रिय संक्रमितको संख्या २१ हजार ८३० रहेको प्रवक्ता गौतमले जानकारि दिए ।
यस्तै थप ९६१ जना कोरोना संक्रमितहरु डिस्चार्ज भएका छन् । नेपालमा कोरोना संक्रमणबाट मुक्त भइ घर फर्किनेको संख्या ५७ हजार ३८९ पुगेको छ । आज देशभर ५,७७ जना क्वारेन्टाइनमा रहेको प्रवक्ता गौतमले बताए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया