कोरोना महामारी बिरुद्धको लडाँईमा काठमाण्डौं पछि पर्योः मन्त्री ज्ञवाली

काठमाण्डौंः परराष्ट्रमन्त्री प्रदीपकुमार ज्ञवालीले कोरोना भाइरसको महामारीविरुद्धको लडाईंमा काठमाडौं पछि परेको बताएका छन् ।

आइतबार मन्त्रिपरिषदको निर्णय सार्वजनिक गर्न सिंहदरबारमा आयोजित पत्रकार सम्मेलनमा सरकारका प्रवक्ता समेत रहेका परराष्ट्रमन्त्री ज्ञवालीले हरेक राजनीतिक सामाजिक परिवर्तनको नेतृत्व गर्ने काठमाण्डौं महामारीविरुद्धको लडाँईमा पछि परेको बताएका हुन् ।

उनले राजनीतिक परिवर्तन, सामाजिक परिबर्तनहरुमा काठमाण्डौ जिल्लाले खेलेको भूमिका स्मरण गराउदै कता कता महामारी विरुद्धको लडाँईंमा काठमाडौं पछाडि परेको जस्तो देखिएको जानकारी दिए ।

कोरोना नियन्त्रणमा कतिपय जिल्लाको प्रयास उदाहरणीय नभए पनि काठमाडौंको व्यवस्थापनमा भने गम्भीर चुनौती देखिएको मन्त्री ज्ञवालीले बताए ।

चालिस लाख जनसंख्या भएको राजधानी काठमाण्डौंमा कोरोना भाइरस संक्रमितको संख्या बढ्दै गएमा स्वास्थ्य संरचनाले कुनै पनि हालतमा धान्न नसक्ने समेत उनले बताए ।