मलाई चीनको इसारामा सांसद पदबाट हटाईयोः सरीता गिरी

काठमाडौंः पूर्वसांसद सरिता गिरीले आफूलाई चीनको इसारामा सांसद पदबाट हटाएको आरोप लगाएकी छन् । उनले आफूलाई हटाउने विषयमा सत्तारुढ नेकपा र आफ्नो पार्टी जनता समाजवादी पार्टी मिलेको आरोप लगाइन् ।

सप्तरी सदरमुकाम राजविराजमा आज आयोजना गरिएको मधेश जनसभालाई सम्बोधन गर्दै उहाँले आफूलाई सांसद पद र साधारण सदस्य समेतबाट निकालेपछि पार्टीका नेता र चीनका राजदूतले भिडियो कन्फ्रेन्स मार्फत खुशियाली मनाएको दावी समेत गरिन् ।

पार्टी अध्यक्ष उपेन्द्र यादवले चीनको इसारामा मधेशलाई तिब्बत बनाउन खोजेको गिरीले बताईन् ।