श्रावण १, २०८२ बिहिबार
July 17, 2025
युग खबर
२०७७ माघ ५, सोमबार
काठमाण्डौंः वीर अस्पताल परिसरमा स्थापना गरिएको हेल्थ डेस्क क्लिनिक (ज्वरो नाप्ने कोठा) अस्पताललाई हस्तान्तरण गरिएको छ ।
नेपालमा कोभिड–१९ को महामारी फैैलिएसँगै हेल्प नेपाल नेटवर्क, न्यू डाइमेन्शन तथा रत्नाग्य संस्थाको सहयोगमा निर्माण गरिएको उक्त क्लिनिक आज औपचारिकरुपमा वीर अस्पताललाई हस्तान्तरण गरिएको हो ।
देशकै सबैभन्दा पुरानो वीर अस्पतालमा बिरामीको चाप बढी हुने, बिरामीलाई सामाजिक दूरी तथा स्वास्थ्य मापदण्डको विषयमा जानकारी प्रदान गनुपर्ने तथा कोभिड–१९ को सङ्क्रमित छुट्याउनुपर्ने भएकाले वीर अस्पतालमा उक्त डेस्क स्थापना गरिएको हेल्प नेपाल नेटवर्कका सचिव लता घिमिरेले जानकारी दिनुभयो । हेल्थ डेस्क क्लिनिक अस्पताललाई हस्तान्तरण गरिएसँगै आगामी दिनमा आवश्यक मर्मतसम्भार गरेर सञ्चालनमा नियमितता दिन आग्रह गरिएको छ ।
उक्त ज्वरो नाप्ने कोठा रु तीन लाख ७५ हजार लागतमा निर्माण गरिएको रत्नाग्य संस्थाका उपाध्यक्ष खड्क केसीले जानकारी दिनुभयो । उहाँले कुनै पनि उपचारअघि ज्वरो नाप्ने कोठामा ज्वरो नाप्न तथा परामर्श लिन आग्रह गर्नुभएको छ । रासस
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया