श्रावण १, २०८२ बिहिबार
July 17, 2025
युग खबर
२०७७ माघ १२, सोमबार
काठमाण्डौंः कोभिड–१९ लगायत अन्य बिरामीको सेवामा सहयोग पुर्याउने उद्देश्यले मध्यपुरथिमि नगरपालिकाद्वारा सञ्चालित नेपाल–कोरियामैत्री नगरपालिका अस्पताललाई भेन्टिलेटर, ह्विाल चियर लगायतका मेडिकल सामग्री प्रदान गरेको छ ।
रोटरी क्लब अफ मध्यपुरको समन्वयमा अस्पताललाई रोटरी इन्टरनेशनल डिस्ट्रिक ३२९२ जोन २ की असिस्टेन गर्भनर (एजी) रमा कँडेलले आज अस्पताल व्यवस्थापन समितिका अध्यक्ष तथा नगरपालिकाका प्रमुख मदनसुन्दर श्रेष्ठलाई भेन्टिलेटर दुई थान, व्ह्विाल चेयर चार थान र अन्य मेडिकल उपकरण हस्तान्तरण गर्नुभएको हो ।
नगर प्रमुख श्रेष्ठले रोटरी क्लबले यसअघि पनि अस्पताललाई पिसिआर ल्याब मेशिन, मिर्गौलाका बिरामीका लागि डायलोसिस मेशिनलगायत उपकरण दिएको बताउँदै क्लबले मध्यपुरथिमिमा शिक्षा र स्वास्थ्य क्षेत्रमा पुर्याएको सहयोगको प्रशंसा गर्नुभयो ।
रोटरी क्लब अफ मध्यपुरका संस्थापक अध्यक्ष सुरेन्द्रविक्रम प्रजापतिले रोटरी एउटा विशुद्ध सामाजिक संस्था भएकाले सधँै स्थानीय जनता र समाजको हितका लागि नगरपालिकासँग सहकार्य गरेर अगाडि बढ्ने बताउनुभयो । रासस
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया