श्रावण ५, २०८२ सोमबार
July 21, 2025
युग खबर
२०७७ चैत्र ७, शनिबार
काठमाडौंः सत्तारुढ नेकपा एमालेको आज बसेको केन्द्रीय कमिटीको बैठकले पार्टीमा समानान्तर गतिविधि सञ्चालन गर्दै आउनुभएका पूर्व प्रधानमन्त्री माधव कुमार नेपालसहित ४ जनालाई स्पष्टीकरण सोध्ने निर्णय गरेको छ ।
प्रधानमन्त्री निवास बालुवाटारमा बसेको बैठकले नेकपा एमालेका पूर्व महासचिव समेत रहनुभएका नेता नेपालसहित नेताहरू भीम रावल, सुरेन्द्र पाण्डे र घनश्याम भुसाललाई स्पष्टीकरण सोध्ने निर्णय गरेको प्रवक्ता प्रदीपकुमार ज्ञवालीले जानकारी दिनुभयो ।
बैठकले सर्वोच्च अदालतको फागुन २३ गतेको निर्णयबाट नेकपा एमाले पुनर्स्थापित भएपछिका गतिविधिहरूको समीक्षा गरी समानान्तर गतिविधि सञ्चालन गर्नमा मुख्य भूमिका देखिएका ४ जना नेताहरू सँग स्पष्टीकरण सोध्ने र सो समूहमा लाग्ने अन्य नेताहरूलाई आत्मसमिक्षा सहित पार्टीमा फर्कन आग्रह गर्ने निर्णय गरेको प्रवक्ता ज्ञवालीले बताउनुभयो ।
यसैगरी बैठकले नेकपा एमाले संसदीय दलको आजै बसेको बैठकले पारित गरेको संसदीय दलको विधान अनुमोदन गरेको प्रवक्ता ज्ञवालीले जानकारी दिनुभयो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया