प्रतिनिधी सभा बैठक अपरान्ह १ बजे बस्दै

काठमाडौंः प्रतिनिधि सभाको बैठक आज दिउँसो १ बजेका लागि बोलाईएको छ । संघीय संसद सचिवालयका अनुसार बैठक संघीय संसद भवन नयाँबानेश्वरमा अपरान्ह बस्नेछ।

बैठकमा नेपाली कांग्रेसका केन्द्रीय सदस्य तथा पूर्वमन्त्री नवीन्द्रराज जोशीको निधन भएकोमा शोक प्रस्ताव पेश गर्ने कार्यसूची रहेको छ। यसैगरी कांग्रेसबाट तत्कालीन संविधान सभामा सांसद रहेकी लक्ष्मीदेवी भण्डारीको निधन भएकोमा शोक प्रस्ताव पेश गर्ने लगायतका विभिन्न वार्षिक प्रतिवेदनहरू पेश गर्ने कार्यसूची रहेको छ ।

विभिन्न संसदिय समितिका सभापतिले बार्षिक प्रतिवेदन पेश गर्ने कार्यसूची तय भएको संघीय संसद सचिवालयले जनाएको छ।