श्रावण ६, २०८२ मंगलबार
July 22, 2025
युग खबर
२०७७ चैत्र २७, शुक्रबार
काठमाडौंः प्रमुख प्रतिपक्षी दल नेपाली कांग्रेसका सभापति शेर बहादुर देउबाको आव्हानमा बसेको तीन दलको बैठक बिना निश्कर्ष टुंङ्गिएको छ ।
नयाँ सत्ता गठबन्धनका गृहकार्य स्वरुप कांग्रेसले सरकार बाहिर रहेका नेकपा माओवादी केन्द्र र जनता समाजवादी पार्टी (जसपा)सँग बुढानिलकण्ठमा शुक्रबार गरेको संयुक्त छलफल बिना निश्कर्ष टुंङ्गिएको हो ।
बैठकमा कांग्रेस र जसपाका नेताहरुले पहिलो सरकारलाई दिएको समर्थन फिर्ता लिन माओवादी केन्द्रलाई आग्रह गरेका थिए । जवाफमा अध्यक्ष पुष्पकमल दाहाल प्रचण्डले केपी शर्मा ओली नेतृत्वको सरकारलाई दिएको समर्थन छिट्टै फिर्ता लिने बताएका थिए ।
करिब आधा घण्टा मात्रै बसेको बैठकमा नेताहरुले माअोवादी केन्द्रले सरकारलाई दिएको समर्थन फिर्ता गर्नुपर्ने साझा निश्कर्ष सहित बैठक टुंङ्गिएको हो ।
बैठकमा कांग्रेसको तर्फबाट सभापति देउवा रामचन्द्र पौडेल, शशांक कोइराला, बिजयकुमार गच्छेदार, विमलेन्द्र निधी र माअोवादी केन्द्रका अध्यक्ष पुष्पकमल दाहाल प्रचण्डसहितका नेताहरु नारायणकाजी श्रेष्ठ, देव गुरुङ र कृष्णबहादुर महरा सहभागी थिए ।
यस्तै जसपाबाट अध्यक्ष डा. बाबुराम भट्टराई, अर्का अध्यक्षद्वय महन्थ ठाकुर र उपेन्द्र यादव, बरिष्ठ नेता राजेन्द्र महतो र अर्का नेता अशोक राई बैठकमा सहभागी थिए ।
माओवादीले ओलीलाई हटाउने वा नहटाउनेबारे प्रष्ट निर्णय दिन देउवा र महन्थ ठाकुरलाई आग्रह गरेको छ । उता देउवा भने ओलीको विपक्षमा संसदमा बहुमत पुग्ने ग्यारेन्टी नभएसम्म अघि बढ्न चाहेका छैनन् । वर्तमान सरकारलाई समर्थन गर्ने वा नगर्ने भन्ने विषयमा जसपाभित्र स्पष्ट रूपमा दुई धार देखिएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया