नागरिकता अध्यादेशले समस्या समाधान गर्दैन, देशद्रोही कदमको प्रतिकार गरौं : डा. मनोज मुक्ति

काठमाण्डौः जनतान्त्रिक तराई मुक्ति मोर्चाले ओली सरकारले “नागरिकता अध्यादेश पहिलो संशोधन २०७८” को पूर्णपाठ सार्वजनिक भए लगत्तै सामाजिक संजालको माध्यमले अत्यन्तै कडा टिप्पणी गर्दै बिरोध एवं प्रतिकारमा उत्रन सबैलाई आव्हान गरेका छन् ।

लामो समयदेखि राज संस्था र हिन्दु अधिराज्य पुनःस्थापना लगायत विभिन्न माँग राखी चरणबद्ध आन्दोलनरत रहेको मोर्चाका अध्यक्ष मुक्तिले देशमा देखिएको पछिल्लो राजनीतिक घटनाक्रमलाई केन्द्रमा राखी निर्णायक आन्दोलनका लागि सबैलाई तयार रहन अपील गरेका हुन् ।

जनतान्त्रिक तराई मुक्ति मोर्चाका राष्ट्रिय अध्यक्ष एवं राष्ट्रिय नागरिक आन्दोलन तथा राष्ट्र बचाउ अभियानका राष्ट्रिय संयोजक समेत रहेका डा. मनोज मुक्ति “विवेक” (डा. मनोज कुमार झा) ले आफ्नो सामाजिक संजालको माध्यमले नागरिकता अध्यादेश पहिलो संशोधन २०७८ को विरोधमा गरेको टिप्पणी यस्तो रहेको छ, धर्म-निरपेक्ष गणतान्त्रिक ब्यवस्थाको राष्ट्रघाती उपलब्धि तथा देश-बेचुवा, जनतामारा, कुर्सी-प्रेमी तथा बिदेशीका अवैध सनतानहरुको अर्को षड्यन्त्रपूर्ण राष्ट्रघाती कदम भनेका छन् ।

नेपालको पछिल्लो राजनीतिक घटनाक्रमलाई सुक्ष्म रुपले अध्ययन गर्ने हो भने नेपाल आउँदो दिनमा ठुलै द्वन्द र आन्दोलनमा जाने खतरा प्राय निश्चित देखिदैछ भन्दै अध्यक्ष मुक्तिले नेपालमा ठुलै राजनीतिक एवं संवैधानिक उथलपुथल हुने सजिलै अडकल काटेका छन्  ।

साथै उनले अध्यादेश मार्फत ल्याईएको “नेपाल नागरिकता (पहिलो संशोधन) अध्यादेश,२०७८” षड्यन्त्र मुलक नौटंकिपूर्ण राष्ट्रघाती कदमको जालझेलमा नफसौं, यो विशुद्ध राजनीतिक एवं चुनावी स्टन्ट बाहेक अरु केही होईन । यस अध्यादेशले “तराई-मधेशका धर्तीपुत्र आम देशभक्त नागरिकको वर्षौंदेखिको नागरिकता सम्बन्धि समस्याको सम्बोधन र समाधान हुने छैन”, यो केवल पहुँचवाला, आर्थिकरुपले समृद्ध, बिदेशी नागरिकहरुलाई सहजै नेपाली नागरिक बनाइ नेपाललाई बिसर्जनको बाटोमा अग्रसर गर्नु-गराउनु बाहेक थप अरु केही गर्ने देखिदैन । भनेका छन् ।