कर्णाली सरकारको नीति तथा कार्यक्रम पारित

काठमाण्डौं: कर्णाली प्रदेश सरकारको नीति तथा कार्यक्रम बहुमतले पारित भएको छ ।

प्रदेश सरकारले पेश गरेको नीति तथा कार्यक्रम संसदबाट बहुमतले पारित भएको हो । संसदमा उपस्थित बहुमत सदस्यले नीति तथा कार्यक्रमको पक्षमा मतदान गरेका हुन् ।

मंगलबार बसेको बैठकमा मुख्यमन्त्री महेन्द्रबहादुर शाहीले जवाफ दिएपछि नीति कार्यक्रम पारित भएको हो । यसअघि नेकपा एमाले संसदीय दलले उक्त नीति तथा कार्यक्रमको विपक्षमा मतदान गर्न आफ्ना सांसदहरूलाइ ह्वीप जारी गरेको थियो ।