असार २९, २०८२ आइतबार
July 13, 2025
युग खबर
२०७८ असार २२, मंगलबार
काठमाडौंः सरकारले आन्तरिक र अन्तर्राष्ट्रिय सबै हवाई उडान खुला गर्ने निर्णय गरेको छ । हिजो सोमबार साँझ बालुवाटारमा बसेको मन्त्रिपरिषद् बैठकले कोभिड प्रोटोकल फलो गरेर सबै उडान खुला गर्ने निर्णय गरेको हो ।
उडान खुल्ला गर्ने मन्त्रिपरिषद्को निर्णयसँगै पर्यटन मन्त्रालयले कोभिड प्रोटोकल तयार पारेर उडान सुचारु हुने मिति र ढाँचाबारे जानकारी दिनेछ ।
दोस्रो लहरको कोरोना कहरसँगै वैशाख २० गतेदेखि बन्द उडानहरू ६९ दिनपछि बिहीबारदेखि आन्तरिक उडान ५० प्रतिशत अकुपेन्सीमा सञ्चालनमा आएका थिए । सरकारले नेपाल र भारतबाहेकको अन्तर्राष्ट्रिय उडान पनि वैशाख २३ देखि बन्द गर्ने निर्णय गरेको थियो ।
नेपालले अन्तर्राष्ट्रिय उडान खुल्ला गर्ने निर्णय गरे पनि केही मुलुकहरूले भने नेपालमा उडान प्रतिबन्ध लगाएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया