नेकपा माओवादी केन्द्रको स्थायी कमिटी बैठक बस्दै

काठमाडौः नेकपा माओवादी केन्द्रको स्थायी कमिटी बैठक बस्दै छ । आज  सोमबार दिउँसो तीन बजे पार्टी कार्यालय पेरिसडाँडामा बैठक बस्न लागेको स्थायी कमिटी सदस्य देव गुरुङ​ले जानकारी दिए ।

उनका अनुसार आजको बैठक मन्त्री छनोटका विषयमा  केन्द्रित हुनेछ ।

हिजो आइतबार बसेको स्थायी कमिटी बैठकले पार्टीको सांगठनिक गतिविधिबारे निर्णय गरेको थियो । आजको बैठकबाट देउवा सरकारमा पठाउने मन्त्रीको टुंगो लाग्ने अनुमान गरिएको छ ।

माओवादीबाट मन्त्रीका लागि नारायणकाजी श्रेष्ठ, हरिबोल गजुरेल, देवेन्द्र पौडेल, हरिराज अधिकारी, देवप्रसाद गुरुङ, मातृका यादव, जयपुरी घर्ती, अञ्जना विशंखे ,शशी श्रेष्ठ, सुदन किराती, अमनलाल मोदी, शिवकुमार मण्डल लगायतको नाम चर्चामा छ । आकांक्षी धेरै देखिएपछि माओवादीमा मन्त्री छनोट सकसपूर्ण बनेको छ ।