वार्षिक कार्ययोजना बनाउन एमाले नेता डा. भट्टराईको संयोजकत्वमा छ सदस्यीय कार्यदल गठन

काठमाडौंः प्रमुख प्रतिपक्ष दल नेकपा (एमाले), विदेश मामिला विभागले विदेश मामिला सम्बन्धमा वार्षिक कार्ययोजना बनाउन कार्यदल गठन गरेको छ ।

आइतबार राजधानीमा  बसेको बैठकले विभागका प्रमुख डा. राजन भट्टराईको संयोजकत्वमा छ सदस्यीय कार्यदल गठन गरेको हो ।

परराष्ट्र सम्बन्धलाई राष्ट्रिय हित अनुकूल, न्यायोचित र पारदर्शी रुपमा सञ्चालन गर्नका लागि मुलुकको पहिलो पार्टीका हैसियतले नेकपा (एमाले) को भूमिका सधैँ अग्रणी रहने विभागका उपप्रमुख विष्णु रिजालले जानकारी दिनुभयो ।