श्रावण ६, २०८२ मंगलबार
July 22, 2025
युग खबर
२०७८ भाद्र १८, शुक्रबार
काठमाण्डौंः सुदूरपश्चिम प्रदेशमा गएको २४ घण्टामा थप ३५ जनामा कोरोना भाइरस सङ्क्रमण देखिएको छ । पीसीआर र एन्टीजेन विधिमार्फत गरी प्रदेशभर ९७२ जनाको नमूना परीक्षण गर्दा ३५ जनामा सङ्क्रमण पुष्टि भएको स्वास्थ्य निर्देशनालयले जनाएको छ ।
पीसीआर विधिमार्फत सेती प्रादेशिक अस्पतालमा १२३ जनाको नमूना परीक्षण गर्दा २४ जना, महाकाली अस्पतालमा १२ जनाको नमूना परीक्षण गर्दा दुई जना र डडेल्धुरा अस्पतालमा १३ को नमूना परीक्षण गर्दा एक जनामा सङ्क्रमण पुष्टि भएको हो ।
यस्तै एन्टीजेन विधिमार्फत गरेको परीक्षणमा कञ्चनपुरका तीन, बाजुरा, डडेल्धुराका दुई-दुई र डोटीमा एक जनामा सङ्क्रमण देखिएको हो । यसैबीच उक्त अवधिमा प्रदेशभर ४० जना सङ्क्रमणमुक्त भएका छन् । रासस
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया