सुनको मूल्य प्रतितोला ३०० रुपैयाँले बढ्यो

काठमाडौंः नेपाली बजारमा साताको तेस्रो दिन सुनचाँदीको मूल्य पुनः उकालो लागेको छ । नेपाल सुनचाँदी व्यवसायी महासंघका अनुसार सोमबार घटेर कारोबार भएको सुनचाँदी मंगलबार भने बढेको हो ।

आज छापावाल सुन प्रतितोला ३०० रुपैयाँले बढेर ८९ हजार २०० रुपैयाँमा कारोबार हुनेछ । यसअघि भने यो सुनको मुल्य ८८ हजार ९०० रुपैयाँ रहेको थियो । सोही परिमाणको तेजावी सुन भने आज मंगलबार प्रतितोला ८८ हजार ७५० रुपैयाँ रहेको छ ।

यता, चाँदीको भाउ भने तोलामा पाँच रुपैयाँले घटेको महासंघले जनाएको छ । सोमबार एक हजार १३५ रुपैयाँ प्रतितोला कारोबार भएको चाँदी मंगलबार एक हजार १४० रुपैयाँमा कारोबार हुने महासंघले जनाएको छ ।