नेपालमा संक्रमितकाे सङ्ख्या १४७, ८४५ जना संक्रमणमुक्त – एक जनाको मृत्यु

काठमाडौँ: पछिल्लो २४ घण्टामा देशभरका विभिन्न स्थानमा पीसीआर विधिबाट १३६ र एण्टीजेन विधिबाट ११ जना गरी कुल १४७ जनामा कोरोना भाइरसको संक्रमण देखिएको छ।

योसँगै कुल संक्रमितको संख्या पीसीआर विधिबाट ८ लाख ४ हजार ६५२ जना र  एण्टीजेन विधिबाट गर्दा ९३  हजार ३५६ जना गरी कुल ८ लाख ९८ हजार ८ जना पुगेको स्वास्थ्य तथा जनसङ्ख्या मन्त्रालयले पुष्टि गरेको छ ।

आजै ८४५जना निको भएकाे स्वास्थ्य मन्त्रालयबाट जारी विज्ञप्तीमा उल्लेख छ। हालसम्म नेपालमा ७ लाख ८० हजार ७७६ जना संक्रमितहरु निको भएका छन्। नेपालमा काेराेना संक्रमण निकाे हुने दर ९७.०३ प्रतिशत रहेकाे छ।

गत २४ घण्टामा आरटी पिसिआर विधिबाट एक हजार ४४६ र एन्टीजेन विधिबाट ३२७ जना गरी कुल एक हजार ७७३ जनाको काेराेना परीक्षण गरिएको छ।

योसँगै नेपालमा काेराेना परीक्षण हुनेको संख्या पिसिआर विधिबाट ४३ लाख १३ हजार ८५८ तथा एन्टीजेन विधिबाट ६ लाख ३० हजार १४९ जना पुगेको छ ।

गत २४ घण्टामा एक जना कोरोना संक्रमितकाे मृत्यु भएकाे छ। याे संख्यामा सीसीएमसी, नेपाली सेना र अन्य संस्थाले व्यवस्थापन गरेकाे मृतककाे संख्या समेत थप गरिएकाे मन्त्रालयले जनाएकाे छ।

मन्त्रालयका अनुसार हालसम्म मृत्यु हुनेकाे संख्या कुल ११ हजार २७८ जना पुगेकाे छ । नेपालमा संक्रमितकाे मृत्यु १.४ प्रतिशत रहेको छ।

स्वास्थ्य मन्त्रालयका अनुसार गत २४ घण्टामा कुनै पनि व्यक्तिले कोरोनाविरुद्वकप खोप लगाएका छैनन्। हालसम्म ८३ लाख ८८ हजार ४०२ जनाले काेभिडविरूद्धकाे खाेप पहिलाे मात्रा लगाएका छन् भने ६४ लाख ६९ हजार १५९ जनाले दाेस्राे मात्रा लगाएका छन् ।

हाल ३०७ सघन उपचार कक्ष (आइसियु), ९७ जना भेन्टिलेटर, ११ हजार ५४४ होम आइसोलेसन, एक हजार ५४ जना संस्थागत आइसोलेसन र २३१ जना क्वारेन्टिनमा रहेका छन् ।  नेपालमा सक्रिय संक्रमित १२ हजार ५९८ रहेका छन्।