नेपालमा थप ३९१ जनामा कोरोना संक्रमण पुष्टि, ६ को मृत्यु

काठमाण्डौं : नेपालमा थप ३९१ जनामा कोरोना भाइरस (कोभिड-१९) संक्रमण पुष्टि भएको छ। पछिल्लो २४ घन्टामा ८०७७ नमूना परीक्षणमा ३९१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

पछिल्लो २४ घन्टामा ६ हजार ९६६ नमूनाको पीसीआर र ११ सय ११ नमूनाको एन्टिजेन विधिबाट परीक्षण गरिएको थियो। तीमध्ये पीसीआरबाट ३८५ जनामा र एन्टिजेनबाट ६ जनामा कोरोना भाइरस संक्रमण पुष्टि भएको हो।

यस्तै, पछिल्लो २४ घन्टामा कोरोनाबाट ६ जनाको मृत्यु भएको छ। यो सहित नेपालमा कोरोनाबाट मृत्यु हुनेको संख्या ११ हजार २८४ पुगेको छ। मन्त्रालयअनुसार आइतबार ६८० जना कोरोनामुक्त भएका छन्। यो सहित निको हुनेको संख्या ७ लाख ८१ हजार ४५६ पुगेको छ।

हाल कोरोना सक्रिय संक्रमितको संख्या १२ हजार २९७ रहेको छ। जसमध्ये २९९ जनाको आइसीयूमा र ९८ जनाको भेन्टिलेटरमा उपचार भइरहेको छ।