राष्ट्रपति समक्ष तीनवटा प्रदेश प्रमुखले लिए शपथ

काठमाडौंः प्रदेश १, कर्णाली प्रदेश र सुदूरपश्चिमका प्रदेश प्रमुखले पद तथा गोपनियताको शपथ लिएका छन्।

बिहीबार राष्ट्रपति कार्यालय शितल निवासमा प्रदेश १ का प्रदेश प्रमुख परशुराम खापुङ, कर्णालीका प्रदेश प्रमुख तिलक परियार र सुदूरपश्चिमका प्रदेश प्रमुख देवराज जोशीले राष्ट्रपति विद्यादेवी भण्डारी समक्ष पद तथा गोपनियताको शपथ लिएका हुन्। उनीहरुले संविधानको धारा १६७ बमोजिम शपथ लिएको राष्ट्रपति कार्यालयले जनाएको छ।