सुनको मूल्य ह्वात्तै घट्यो

काठमाडौंः साताको दोस्रो दिन सोमबार आज सुनचाँदी बजारमा छापावाल सुनको मूल्य प्रतितोला ९१ हजार ८०० कायम गरिएको छ । अघिल्लो दिनको तुलनामा तोलामा ४०० रुपैयाँ कम भएको हो ।

नेपाल सुनचाँदी व्यवसायी महासङ्घले सार्वजनिक गरेको मूल्य विवरण अनुसार तेजाबी सुनको सोमबारको मूल्य प्रतितोला ९१ हजार ३०० रुपैयाँ छ । आइतबार तोलाको ९१ हजार ७०० रुपैयाँमा कारोबार भएको थियो ।

त्यस्तै सोमबार चाँदीको मूल्य अघिल्लो कारोबार मूल्यका तुलनामा प्रतितोला १० रुपैयाँले घटेर एक हजार २४० रुपैयाँमा कायम भएको छ ।

अन्तर्राष्ट्रिय बजारमा सोमबार सुन प्रतिऔँस एक हजार ७८७ डलर आसपास कारोबार भइरहेको छ ।