निजी डेरिहरुद्धारा दूधको बिक्रि मूल्य १० रुपैयाँले बृद्धी

काठमाडौँ: निजी डेरिहरुले दूधको बिक्री मूल्य १० रुपैयाँले बढाएका छन्। सरकारी स्वामित्वको डिडिसीले बढाएको दूधको मूल्य आफूहरूले स्वीकार्न नसक्ने भन्दै नयाँ मूल्य घोषणा गरेका हुन् ।

आज नेपाल डेरी एशोसिएसन र डेरी उद्योग संघले संयुक्त पत्रकार सम्मेलन गरी दूधको मूल्य प्रतिलिटर १० रुपैयाँ बढाएर ८६ रुपैयाँ कायम गरिएको जानकारी दिएका छन् ।

यसअघि स्ट्यान्डर्ड प्रशोधित दूधको प्रतिलिटर बजार मूल्य ७६ रुपैयाँ थियो भने ५०० एमएलको एक प्याकेटको मूल्य ३८ रुपैयाँ थियो। अब पाँच सय एमएलको एक प्याकेटको खुद्रा बिक्री मूल्य ४३ रुपैयाँ कायम भएको छ ।