असार २६, २०८२ बिहिबार
July 10, 2025
युग खबर
२०७९ श्रावण ८, आइतबार
काठमाण्डौंः सत्तारुढ दल नेकपा एकीकृत समाजवादीका अध्यक्ष माधवकुमार नेपालले अमेरिकी स्टेट पाटर्नरसीप प्रोग्राम (एसपीपी) स्वीकार नगर्ने कुराबारे छलफल भएको बताएका छन् ।
आइतबार काठमाडौंमा भएको विश्वको भूराजनीतिक तनाव र नेपालको परिस्थितिबारे बहस कार्यक्रममा बोल्दै अध्यक्ष नेपालले सो कुरा बताएका हुन् । उनले तत्कालीन सरकारबाट एसपीपी सम्झौता भएको र त्यसलाई स्वीकार नगर्ने कुरा भएको बताए ।
अध्यक्ष नेपालले परराष्ट्र र सुरक्षा नीतिमा राष्ट्रिय सहमति आवश्यक रहेको समेत बताए । उनले भने, ‘परराष्ट्र र सुरक्षा नीति दुवैमा राष्ट्रिय सहमति आवश्यक छ ।’ उनले अहिले अमेरिका र चीनले हतियारको होडबाजी गरेको भन्दै त्यसले नेपाललाई पनि चिन्ता बढेको बताए । उनले हतियारको होडबाजी र युद्धले कुनैपनि समस्याको समाधान हुन नसक्ने पनि बताए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया