विवेकशील साझा पार्टी निर्वाचन आयोगमा दर्ता

काठमाडौंः आगामी मंसिर ४ गते हुने प्रतिनिधिसभा र प्रदेशसभा सदस्यको निर्वाचनमा भाग लिनका लागि विवेकशील साझा पार्टीले दल दर्ता गरेको छ । मंगलबार दिउँसो निर्वाचन आयोगमा पुगेर साझा पार्टीले दल दर्ता गरेको हो ।

पार्टी अध्यक्ष समीक्षा बास्कोटा, संयोजक सञ्जीववल्लभ भट्टराई, संस्थापक नेता प्रकाशचन्द्र परियार, कार्यालय व्यवस्थापन उपप्रमुख नवराज थापासहितका नेताहरु आगामी निर्वाचन प्रयोजनार्थ दल दर्ता गर्न पुगेका थिए ।

आइतबार पार्टीले अध्यक्ष पदबाट रवीन्द्र मिश्रले दिएको राजीनामा स्वीकृत गर्दै अध्यक्षमा बास्कोटा र संयोजकमा भट्टराईलाई चयन गरेको थियो ।

निर्वाचन आयोगले आयोगले साउन २२ देखि ३१ गतेसम्मका लागि दल दर्ताको समय दिएको छ । यस समयभित्र कतिपय दल दर्ता भइसकेका छन् भने बाँकी दल साँझसम्म दर्ता हुनेछन् । आयाेगले आज साँझ ५ बजेसम्म निर्वाचन प्रयाेजनका लागि दल दर्ताकाे समयावधि ताेकेकाे थियो ।